Qyteti i Shkodrës është tronditur mëngjesin e sotëm nga një shpërthim me tritol ku mbetën të plagosur 6 persona.
Një nga 6 të plagosurit është biznesmeni Lulzim Kulla, i cili sipas policisë, dyshohet se është shenjestra e atentatit të sotëm.
Lulzim Kulla është një biznesmen me precedente të theksuara kriminale dhe të shkuar të errët.
Kulla është arrestuar më datë 7. 6. 2006 pas një operacioni të mirëorganizuar nga forcat RENEA.
Lulzim Adem Kulla, 43 vjeç, lindur dhe banues në lagjen “Guerrile” të qytetit të Shkodrës u kap në vitin 2016 me armë zjarri pistole TT ndërsa në banesë iu gjet një sasi e konsiderueshme municionesh.
Ndaj Lulzim Kullës nisi edhe një hetim si i dyshuari kryesor i disa ngjarjeve të rënda të ndodhura kohë më parë. Sakaq, sa i takon shpërthimit të sotëm, objektivi nuk dihet ende, ndërkohë mjeti tip Fuoristradë me targa AA 444 CX ka mbetur i dëmtuar. Në katin e parë të godinës janë bizneset në pronësi të ndërtuesit Kulla ndërsa në katin e dytë janë zyrat e pakicave serbe ndaj kjo ngre dyshime të forta për objektivin e vërtetë të ngjarjes kriminale.
Përgatiti K.Lama, AlpeNews.al
