Studentët e Universitetit të Korçës janë futur sot në auditorë pavarësisht nëse e kanë bërë apo jo vaksinën.
Zv.rektori Artir Adili është shprehur se të gjithë studentët do të orientohen drejt vaksinimit në ditët në vazhdim dhe se nuk mund t’i penalizojnë.
“Në lidhje me studentët e pavaksinuar janë dy qendra vaksinimi, pjesa më e madhe e kanë marrë dozën e parë, ata të pavaksinuarit do futen duke respektuar masat anti-Covid, pra të pajisur me maskë. Me kalimin e kohës duhet të vaksinohen të gjithë, normalisht nuk i vaksinojmë dot brenda ditës dhe nuk mund ti penalizojmë për mësimin”-tha ai në një deklaratë për mediat.
