Ambasadori britanik në vendin tonë ka zhvilluar një takim me kryeministrin Rama.
Është vetë King-Smith i cili zbardh vizitën e tij në zyrën e Edi Ramës, teksa falenderon Shqipërinë për gatishmërinë e treguar duke pritur qytetarët afganë.
King-Smith thotë se Mbretëria e Bashkuar do ta mirëpresë Ramën në Glasgow ku pritet të mbahet konferenca e OKB-së për ndryshmet klimatike.
Postimi i plotë i ambasadorit:
“U angazhuam për të zgjeruar dhe forcuar marrëdhëniet midis Mbretërisë së Bashkuar dhe Shqipërisë si dhe të vazhdojmë punën e përbashkët në lidhje me mundësitë dypalëshe dhe sfidat globale.
Do të mirëpresim Kryeministrin Rama në Glasgow në Konferencën e OKB-së për Ndryshimet Klimatike #COP26 në Nëntor – veprimi i përbashkët për klimën është vendimtar për prosperitetin dhe suksesin e të gjitha vendeve, përfshirë Shqipërinë.
Gjithashtu falënderova Kryeministrin për zemërgjerësinë e popullit shqiptar për kontributin në ndërhyrjen ndërkombëtare në krizën në Afganistan duke pritur qytetarët afganë në rrezik në Shqipëri.”
