Aktivistja shqiptare Evi Kokalari u shfaq sërish ditën e sotme krah Sali Berishës në “Foltoren” e mbajtur në qytetin e Durrësit, ku ka akuzuar kryedemokratin Basha se ka paguar shuma të mëdha për lobimin në SHBA nëpërmjet një kompanie ruse.
Pas akuzave të Kokalarit, PD doli me një reagim zyrtar, ku thuhej se ditën e nesërme aktivistja do të paditej penalisht në gjykatë.
Menjëherë pas deklaratës së PD, Evi Kokalari ka publikuar dokumentin ku tregohet sa ka paguar Basha për lobimin në SHBA. Dokumenti tregon se janë paguar 1 milion e 25 mijë dollarë, nga të cilat 500 mijë menjëherë.
Ndërkohë, në një postim, ajo shkruan: “Hej Lulzim Basha, sille! Ndërkohë, do të kthehem në Shtetet e Bashkuara dhe do të punoj ngushtë me anëtarët e Kongresit, për të kuptuar nëse akuzat për pagesën e paligjshme të një firme lobi në DC u hoqën dhe nëse po, PSE?
Partia Demokratike e Shqipërisë është e Sali Berishës dhe unë jam bijë e saj.
