Pas padisë së ish-drejtueses se Sektorit të Dekriminalizimit në Prokurorinë e Përgjithshme Rovena Gashi ndaj prokurores së Përgjithshme Arta Marku, pasi kjo e fundit e largoi nga detyra është hedhur shorti në Gjykatën Administrative, ku do përcaktohen gjyqtarët që do shqyrtojnë çështjen.
Gashi, e cila njihet si krahu i djathtë i Adriatik Llallës, ka paditur prokuroren Marku ndërsa kërkon pezullim të vendimit të marrë.
Mësohet se padia është depozituar në Gjykatën Administrative. Rovena Gashi pretendon se Marku e ka hequr nga detyra pa motivacion, fill pasi ajo depozitoi kërkesën në KQZ për t’ju hequr mandati i deputetit, Aqif Rakipi dhe Gledion Rehociva pa u konsultuar me kryeprokuroren.
LIRIMI NGA DETYRA
Prokurori i Përgjithshëm, Arta Marku nënshkroi ndryshimin e parë në stafin drejtues të institucionit që ajo drejton në datën 29 dhjetor.
Siç u bë e ditur, në vend të Gashit u emërua prokurori i Prokurorisë së Përgjithshme, Arqile Koça, emërohet Drejtor i Drejtorisë së Marrëdhënieve Juridiksionale me Jashtë, në përbërje të të cilës është edhe Sektori për “Verifikimin e integritetit të zyrtarëve…”.
