Pas humbjes së zgjedhjeve të 25 prillit, opozita e ashtuquajtur e bashkuar, duket se nuk do jetë me e tillë.
Me nisjen e sezonit të ri parlamentar, PD dhe LSI i kane ndarë rrugët e tyre dhe duket se e vetmja gjë që i bashkon ka mbetur vetëm të qënit në opozitë.
Krisja e parë, ndodhi kur kryetarja e LSI Monika Kryemadhi pranoi humbjen e thellë dhe gabimin e djegies së mandateve, duke ia faturuar Lulzim Bashës fajin.
Krisja e dytë, vijoi me rikthimin në Parlament teksa u votua per kryetaren e re të Kuvendit, Lindita Nikolla.
Lulzim Basha dhe PD ndoqen rrugën e mos-votimit duke grisur fletën, teksa Kryemadhi dhe LSI ndonëse votuan kundër (të paktën kështu deklaruan), zgjodhën menyrën normale.
Krisja e tretë, erdhi me krijimin e grupeve parlamentare. Në kushtet kur LSI nuk e krijon dot një të tillë pasi ka vetem 4 deputetë, PD nuk i ka shtrirë asnjë dorë për ndihmë. Siç raportohet nga mediat, nuk ka pasur kontakte mes tyre për dhënie-marrje deputetësh.
Basha ka preferua që dy aleatëve, Fatmir Mediu dhe Shpëtim Idrizi t’u jepte deputetë “borxh” për të formuar grupin me 7 anëtarë, por jo LSI-së.
Nuk dihet se cila do jete levizja e radhës së Kryemadhit, por e sigurt është që nuk do jetë me Bashën, ndërkohë që shtegu i raporteve të mira me Berishën mbetet i hapur. Edhe ky i fundit, është aktualisht pa grup parlamentar.
AlpeNews.al
