Një banesë është përfshirë nga flakët mbrëmjen e sotme në Lezhë. Ngjarja ka ndodhur rreth orës
19:20, në rrugën “Shtraus”. Flakët kanë përfshirë banesën e qytetarit me inicialet V.K., i cili në betejën me flakët është lënduar duke pësuar djegie dhe për pasojë është dërguar në spital.
Gazetari i “ABC”, Gjergj Figuri ka siguruar pamjet e apartamentit në flakë dhe ndërhyrjen e zjarrfikësve.
Shërbimet e policisë dhe të zjarrfikëses ndodhen në vendngjarje dhe kanë bërë të mundur fikjen e zjarrit. Grupi hetimor punon për sqarimin e plotë të rrethanave të ngjarjes dhe përcaktimin e shkakut të rënies së zjarrit.
