Reshjet e shiut kanë larguar pushuesit nga bregdeti i Shëngjinit.
Shumë prej tyre po e shfrytëzojnë këtë ditë të freskët për të shëtitur e ndërsa të tjerë edhe po largohen.
Ulja e temperaturave duket se do të sjellë më shpejt mbylljen e sezonit veror. Pushuesit nga Kosova pas reshjeve të para kanë bërë valixhet gati për t’u larguar në atdhe. Largimi i menjëhershëm i pushuesve pritet të sjellë dhe trafik të rënduar në rrugë.
Ndërkohë, pjesa më e madhe e pushuesve i janë drejtuar shëtitores dhe bregut të detit, duke shfrytëzuar kështu ajrin e pastër dhe freskinë e detit.
