Partia Demokratike mbledh të hënën Këshillin Kombëtar. Lajmi bëhet i ditur përmes një njoftimi për mediat nga sekretari i Përgjithshëm Gazment Bardhi, i cili thotë se Këshilli do të nisë punimet në orën 18:00.
Në rend dite parashikohet konstituimi i Këshillit të ri Kombëtar dhe zgjedhja e kryetarit të Këshillit Kombëtar, zgjedhja e Kryesisë dhe Sekretariatit të Partisë; e kryetarit të Komisionit të Apelimit, Integritetit dhe Etikës; e Komisionit Zgjedhor; dhe të Bordit Financiar të Partisë, njoftimi i përbërjes së Kryesisë së Grupit Parlamentar të PD, si dhe caktimi i drejtuesve te Departamenteve të Këshillit Kombëtar.
