Një 35-vjeçar nga Pogradeci është ndaluar nga policia kufitare në Kapshticë, pasi është kapur me një shumë eurosh të padeklaruara.
Gjatë kontrollit të imtësishëm të policisë në mjetin tip ‘Opel’ të 35-vjeçarit me iniciale F.R, banues në Pogradec, policia gjeti dhe sekuestroi 24.980 euro, sasi të cilën ky shtetas nuk e kishte deklaruar.
Veprimet e mëtejshme u kryen nga specialistët për Hetimin e Krimit Ekonomik-Financiar, në Drejtorinë Vendore të Policisë Korçë, të cilët filluan procedimin penal ndaj 35-vjeçarit.
Materialet i kaluan Prokurorisë pranë Gjykatës së Shkallës së Parë Korçë.
