Një i ri është gjetur i vrarë me armë zjarri në aksin Vlorë-Babicë mëngjesin e sotëm, teksa nuk dihet ende nëse kemi të bëjmë me një vrasje apo vetëvrasje.
Viktima i moshës rreth 25-vjeç, sipas gazetarit Enrik Mehmeti ishte i vetëm në makinë, teksa kanë qenë kalimtarët e rastit ata që kanë njoftuar policinë, pasi kanë parë se ishte i gjakosur. Policia në vend ka konstatuar vetëm vdekjen.
“Po hetohet në dy pista dhe atë të vrasjes dhe të vetëvrasjes. Trupi i pajetë është dërguar morgun e spitalit të Vlorës. Ndërkohë që pritet dhe identifikimi i viktimës.
Viktima ka qenë i vetëm në makinë dhe kalimtarët e rastësishëm kanë njoftuar policinë se një person ishte në mjet i gjakosur”, raportoi gazetari Mehmeti.
Ngjarja e rëndë ndodhi mëngjesin e sotëm, teksa nuk dihet ende identiteti i viktimës.
