Administratori i një lokali në Shëngjin është vënë nën hetim sepse ka ushtruar aktivitetin pas orarit të përcaktuar për mbyllje në kuadër të masave anti-COVID. Bëhet me dije se administratori i identifikuar si A.D., ka thyer orën policore në mënyrë të vazhdueshme. Për këtë arsye ai është gjobitur edhe me 1 milion lekë.
Burime zyrtare bëjnë me dije se shtetasi A.D. është konstatuar edhe me datë 31.07.2021 duke thyer orën policore dhe njëkohësisht është gjobitur me 1 milionë lekë. Pra, ndaj tij janë vënë dy gjoba, ndërsa policia këtë herë e vendosi edhe nën hetim.
Ndaj administratorit të lokalit rëndon akuza për veprën penale “Prishja e rendit dhe qetësisë publike” dhe “Kundërshtim i urdhrit të punonjësit të Policisë”.
