Një aksident është regjistruar në aksin Elbasan-Bradashesh 4 ditë më parë, fatmirësisht pa viktima. Report Tv ka siguruan videon e aksidentit të ndodhur në Elbasan, ku një grua është përplasur nga një makinë, gjatë kohës që ka tentuar të kalojë rrugën. Siç shikohet në video në njërën anë të rrugës makinat janë në trafik, ndërsa në korsinë tjetër lëvizja e mjeteve është më e lirë. 47-vjeçarja F.Xh nuk ka parë nga ana që vinin makinat dhe ka tentuar ta kalojë me vrap, por është përplasur nga mjeti tip ‘benz’.
Aksidenti ka ndodhur mesditën e 8 gushtit, ndërsa fatmirësisht 47-vjeçarja ka marrë plagë të lehta dhe ka marrë mjekimin në spital.
