Një zjarr masiv ka nisur në orët e para të mëngjesit në Vlorë. Siç shihet nga pamjet e siguruara nga Klan News, masivi i flakëve është afër ish-depove të naftës në Vlorë.
Zjarrfikëset ndodhen në vendin e ngjarjes dhe po punojnë për izolimin e tyre, por duket se situata është serioze.
Nuk dihet ende si ka nisur zjarri në këtë pjesë të qytetit të Vlorës që është shumë pranë zonave të banuara.
Vlora është qarku më i prekur nga zjarret, pasi prej 10 ditësh po luftohet me flakët në Karaburun.
