Kryeministri Edi Rama e ka nisur mëngjesin e ditës së sotme me një falendeim për të gjitha forcat ushtarake e civile që po luftojnë me flakët që kanë pushtuar vendin tonë. Përmes një postimi në ‘Facebook, Rama shkruan se forcat që kanë zbritur në terren po punojnë me një profesionalizëm të madh për tu përballur me vatrat agresive të zjarrit.
“Mirmëngjes me një falënderim të madh për heronjtë e forcave tona ushtarake e civile, të cilët këto ditë po përballen me përkushtim të lartë e profesionalizëm me vatrat agresive të zjarrit, që kanë ndezur Mesdheun e jo vetëm”, shkruan Rama.
Në të gjithë territorin e vendit tonë gjithsej janë aktive 16 vatra zjarri. Më në rrezik vijon të mbetet Qarku i Vlorës, pasi si pasojë e erës dhe terrenit të vështirë për të ndërhyrë, flakët po përhapen drejt Karaburunit duke rrezikuar kështu Parkun Kombëtar.
