Një 80-vjeçar ka mbetur i plagosur mesditën e sotme në Rrugën e Kombit, si pasojë e një aksidenti.
Aksidenti u regjistrua në segmentin Milot-Rrëshen, në afërsi të fshatit Skuraj. Në aksident janë përfshirë dy automjete, ku ka mbetur i plagosur një 80-vjeçar, identiteti i të cilit nuk bëhet me dije.
Ai është dërguar në spitalin e Rrëshenit, ku ndodhet nën kujdesin e mjekëve. Shkaqet e aksidentit nuk dihen ende, ndërsa Policia ka nisur hetimet.
