Tashmë është zyrtare, varianti Delta, ai indian i COVID ka hyrë në Shqipëri dhe për këtë “vulën” e ka dhënë ministria e Shëndetësisë, edhe pse prej javësh aludohet se kishte të prekur nga ky lloj i koronavirusit.
Mjeku i njohur Tritan Kalo në një reagim të tij në rrjetet sociale ka apeluar që të gjithë shqiptarët të vaksinohen sa më parë.
“Hyrja e variantit “Delta” të virusit Sars-Cov2/Covid-19 është në vijimësi të qarkullimit nëpër botë, edhe të varianteve të tjera që prej atij të ëuhan-it nga ishte pikënisja e kësaj Pandemije ose “flame mbarëbotërore”, shkuan Kalo.
Mjeku gjithashtu thekson se nëse ata shqiptarë që nuk duan të vaksinohen, të paktën të mos bëhen pengesë për të tjerët dhe t’i lejojnë të vaksinohen.
Postimi i plotë
Kohë kovidiane…. 26.07.2021…..NUK është kurrë vonë për t’u përkujdesur për shëndetin tuaj dhe të të gjithë atyre, të cilët gjallojnë rreth jush…..VETNDËRGJEGJËSIM dhe vetëm vetndërgjegësim….Hyrja e variantit “Delta” të virusit Sars-Cov2/Covid-19 është në vijimësi të qarkullimit nëpër botë, edhe të varianteve të tjera që prej atij të ëuhan-it nga ishte pikënisja e kësaj Pandemije ose “flame mbarëbotërore”……
Masat standarde të stërprovuara ndër dhjetra vite për uljen e vrullit dhe paksimin e humbjeve njerëzore, MHD (Maskë, Higjenë personale e kolektive, Distancim social) nuku e kanë humbur aspak vlefshmërinë e tyre KUR dhe aty KU është e mundur, që ato të zbatohen dhe respektohen…..
NËSE mes nesh ka individë ose grupe individësh që ngurojnë të VAKSINOHEN kundër virusit Sars-Cov2/Covid-19, së paku MOS u bëni pengues për të tjerët, që ata/ato të përfitojnë nga dobiprurja e proçesit të vaksinimit, ulja e mundësisë së infektimit, kalimi i sëmundjes në forma më të lehta si dhe evitimi i hospitalizimeve në forma të rënda të sëmundjes, ose në më të keqen humbjen e jetës prej saj….
Jeta e çdo Shqiptari është e paçmimtë për të, për familjen e tij dhe për të gjithë Shqiptarinë…..Në çdo kohë NE jemi për JU në vijën e parë të “luftës me armikun e padukshëm”, që me Punën, Përkushtimin, Profesionalizmin dhe Përkujdesjen tonë t’ju vimë në ndihmë në përballjen tuaj me infektimin nga virusi Sars-Cov2/Covid-19…..Javë të mbarë miq, kolegë, të afërm dhe bashkëatdhetarë….. Together forever!!
