Një shef i policisë ruse i cili zotëronte një shtëpi ‘përrallore’ me tualetin e saj të artë është shkarkuar për korrupsion.
Alexey Safonov, 45 vjeç, një kolonel policie nga rajoni Stavropol i Rusisë, u pushua së bashku me 35 oficerë të tij të cilët u akuzuan për drejtimin e një ‘bande mafie’.
Hetuesit thonë se ‘banda’ zhvaste shoferë dhe merrte ryshfet për të financuar jetën e tyre luksoze.
Zyrtarët anti-korrupsion që hetojnë Safonov kanë nxjerrë imazhe të pronës së tij, me tualetin, biden dhe lavamanin të veshur me ar.
Dyshemetë dhe muret janë të dizajnuara me mermer, ndërsa një pasqyrë e madhe në stilin barok varet në sfond pranë një dollapi që është pikturuar me ar.
Një banjo e dytë ka një vaskë të madhe, lavamanët dhe një kabinë dushi po ashtu të pikturuar në ar, ndërsa nga tavani varet një llambadar i shtrenjtë.
