Një 17-vjeçar nga Illinois vrau 4 pasagjerët adoleshentë që udhëtonin me të, ndërkohë që tentoi të “fluturonte” mbi një kodër në Hickory Hills në Illinois të SHBA. Makina e tij përfundoi duke u përplasur me një makinë dhe u nda më dysh.
Aksidenti tragjik ndodhi pasditen e së shtunës. Në një deklaratë për mediat vendase, policia lokale tha se adoleshenti akuzohet për vrasje nga pakujdesia.
“Automjeti, një Mercedes SUV 2008, po udhëtonte në rrugën e 89-të, me një shpejtësi ekstremisht të lartë, në atë që ne besojmë se ishte një tentative për të fluturuar mbi majën e kodrës së 86th Avenue”, tha policia në deklaratë.
“Pasi udhëtoi në kryqëzimin e 86th Avenue, makina në fakt fluturoi, sipas asaj që përshkruajtën dëshmitarët”, tha policia, ndërsa shtoi se “më pas automjeti u përplas me një pemë të madhe dhe u nda më dysh”.
Emri i shoferit të makinës, i cili është minoren, nuk është bërë i ditur. Nga aksidenti humbën jetën 4 adoleshentët të cilët udhëtonin me 17-vjeçarin. Omarion Rieves dhe Nathaniel Phillips, të dy 17 vjeç, humbën jetën në vendin e ngjarjes, ndërsa Destiny M Giera, 16 vjeç dhe Jemerrio X Rieves, 15 vjeç, humbën jetën rrugës për në spital.
Brenda në automjet ndodheshin 6 persona, 2 prej të cilëve, shoferi dhe një tjetër u larguan nga spitali pasi morën mjekim. Aktualisht policia ka nisur hetimet për ngjarjen.
Hickory Hills Police are currently investigating a crash on 89th St. and 86th Ct. This is as close as we can get, but that is one car, split in half. Waiting for more information from police chief. @cbschicago pic.twitter.com/pZHtQ7yggg
— Meredith Barack (@MeredithBarack) July 17, 2021
