Vendoset eksploziv pranë një varke në Volorekë, të Pogradecit.
Policia bën me dije se ngjarja ka ndodhur rreth orës 07:00 të mëngjesit të sotëm. Nga ky shpërthim nuk ka persona të lënduar.
Mësohet se ishte një varkë peshkimi dhe ndodhej buzë rrugës. Varka është në pronësi të shtetasit R. K. Nga të dhënat e para rezulton se si pasojë e shpërthimit, ka vetëm dëme materiale, ku është dëmtuar varka e peshkimit.
Në vendngjarje pritet që ekspertët të kryejnë veprimet proceduriale për të përcaktuar llojin e lëndës shpërthyese, ndërkohë që po punohet për zbardhjen e rrethanave të ngjarjes.
/AlpeNews.al
