Dy automjete janë përplasur në një aksident në aksin rrugor Berat-Dimal. Ngjarja ka ndodhur pasditen e kësaj të premte, ndërsa kanë marrë lëndime edhe dy drejtuesit e mjeteve.
Mësohet se në aksident janë përfshirë dy automjete, një “Benz” me targa AA 688UJ dhe një “Land Rover” me targa AA 199 DC.
Si pasojë e aksidentit, makina “Benz” ka përfunduar në kanal.
Policia mbërriti në vendin e ngjarjes dhe po punon për zbardhjen e rrethanave të aksidentit.
