Me pak fjalë, cilat janë tendencat e bukurisë në 2018-ën? I keni pak më poshtë të renditura një e nga një.
Rikthehet shkëlqyesi
Në 2018-ën do t’i lëmë mënjanë tonet mat. Kemi rikthimin e glossit të vietev ’90. Buzët do të kenë volum, do jenë transparente dhe janë një alternmativë e mirë e buzëkuqit nude. Janë supermbrojtës dhe ushqyes.
Vajrat e fytyrës
Në muajt që do vijnë do jemi gjithmonë e më green dhe ky trend do të refkeltohet edhe në kujdesin e lëkurës. Për të pastruar trukun dhe për të hidratuar në thellësi lëkurën e fytyrës do besojmë vetëm tek substancat vajore natyrale si vaji i orizit, i kokosit, i jojobës dhe i bajameve të ëmbla.
Prerja e flokëve djaloshare
Për vitin që vjen do t’i themi lamtumirë prerjes bob. Tendenca e re është alla garcon dhe do t’i tregojë vajzat shumë tip.
Maska xhelatinoze
Pas maskave të zeza me bazë karboni vegjetal dhe në përgjithësi të maskave peel off, 2018-a so të jetë viti i maskave xhelatinoze. Kjo formulë nuk parashikon përdorimin e konservantëve por të ekstrakteve natyrale si carragenina, me aftësi qetësuese i hidratuese, që përzihen me tul frutash për freskim ose argjil për pastrim.
Flokët mjaltë
Në 2018 edhe nuancat e flokëve do jenë gjithnjë e më natyrale. Tendneca e ka tashmë një emër: honey hair, ose flokë gështenjë me sfumatura ngjyrë mjalti me shkëlqim ekstrem.
Sy ultraviolet
Si gjithmonë, bukuria reflekton tendencat e modës. Për këtë vit ngjyra që do të dominojë sipas Pantone 2018, do jetë Ultra Violet. Kjo ngjyrë i jep vështrimit një lloj misteri. Nëse nuk ju pëlqen të vini kaq në pah sytë, mund të zgjidhni një nuancë violet edhe për buzët.
