Në orën 17:40, në lagjen “Kastriot” Fier, përballë vendit të quajtur “Shtepia e oficerëve” në katin e parë të pallatit, dyshohet se nën kërcënimin e armës, dy persona me kapuçë kanë vjedhur me dhunë pikën e këmbimit valutor të shtetasit L.Z, ku kanë marë një shumë prej 70 000 lekësh.
Në vendngjarje ka shkuar grupi hetimor i cili po punon për zbardhjen e ngjarjes dhe identifikimin dhe kapjen e autorëve.
Skema:
Nuk ishte hera e parë që pika e këmbimit valutor dhe transferimit të parave në Fier binte pre e grabitësve.
Jo shumë kohë më parë ajo është grabitur sërish nga persona të armatosur.
Gazetari Ervis Kuci raportoi për “BalkanWeb” duke iu referuar burimeve nga policia se kanë qenë dy persona që kanë hyrë me shpejtësi në bankë dhe duke i drejtuar armët punonjësit kanë marrë xhiron ditore, rreth 70 mijë lekë të reja.
