Egla Harxhi me deklaratat e saj ka tërhequr gjithmonë vëmendjen dhe një ndër to ka qenë momenti kur ajo deklaroi se djalin do e quante Lucifer, emër të cilin e kishte zgjedhur partnerja e saj Alesia.
Shumë e kritikuan Eglën për këtë vendim lidhur me emrin, por e ftuar sot në “Top Albania Radio”, ajo ka treguar se djali emrin e ka jo Lucifer, por Luxifer duke shpjeguar edhe kuptimin e këtij emri të veçantë.
Egla është shprehur se emri Luxifer (Lyksifer) është një emër latin dhe do të thotë “lux” që përkthehet dritë ndërsa “fer” mbajtës, pra mbajtësi i dritës.
Egla ka treguar gjithashtu se ka pasur shumë vështirësi gjatë lindjes e cila zgjati 4 ditë. 3 ditët e para, Francën e goditi një stuhi e fortë ndërsa në ditën e 4 kur lindi Luxifer, dolën rrezet e para të diellit dhe këtë ajo e ka quajtur një ogur të mirë për Luxiferin.
