Qytetari Simon Molla ka protestuar para godinës së SPAK me një banderolë ku shkruan “I korruptuar, mashtrues, falsifikator, deputet”.
Këto akuza janë pikërisht për kreun e bashkisë së Vaut të Dejës, Zef Hila për të cilin Gjykata Kushtetuese rrëzoi kërkesën e Këshillit të Ministrave për ta shkakruar.
Gjykata Kushtetuese e gjeti vendimin e shkarkimit të kundraligjshëm duke i dhënë të drejtë padisë së Zef Hilës.
Duket se qytetari këkron drejtësi nga SPAK.
Kreu i bashkisë së Vaut të Dejës, Zef Hila u shkarkua pas sulmeve të dhunshme të ndodhura më 27 qershor në KZAZ nr.6 në Bushat.
Kujtojmë se rreth 250 militantë të Partisë Demokratike i vunë flakën KZAZ-së. Nga sulmi, KZAZ-ja ka shpërthyer në flakë duke shkatërruar materialet e votimit e për pasojë la të plagosur tre efektivë të Policisë së Shtetit.
Lidhur me vendimin e shkarkimit të Hilës nga detyra, Rama më herët u shpreh se ai jo vetëm do shkarkohej por edhe do të ndiqej penalisht.
I pyetur nga Top Channel se çfarë do të bëjë pas këtij vendimi, Zef Hila tha se ai nuk ka ndërmend të rimarrë detyrën e krye-bashkiakut të Vaut të Dejës, por do të jetë në parlament si deputet, pas fitimit të mandatin në zgjedhjet e 25 Prillit nën siglën e PD-së.
