Ministrja e Shëndetësisë Ogerta Manastirliu njoftoi se një ndërhyrje e rrallë është realizuar të dielën në QSUT.
Manastirliu njofton se pas një operacioni që zgjati plot 7 orë, mjekët i kanë shpëtuar jetën pacientes 54-vjeçare me tumor primar renal.
“Një ndërhyrje e rrallë është realizuar të dielën në QSUT. Pas një operacioni tejet kompleks që zgjati plot 7 orë, pacientes 54-vjeçare me tumor primar renal, me përhapje masive në caven inferiore dhe në atriumin e djathtë, mjekët i kanë shpëtuar jetën,
Super punë dhe profesionalizëm i ekipit të kirurgëve urologë, kirurgë vaskular, kardiokirurgë e kardioanestezist, dr. Aurel Janko, dr. Andi Kaçani, dr. Arbër Aliu, dr. Petrika Gjergo dhe dr. Saimir Kuçi”, njofton Manastirliu.
