Shqipëria bëhet anëtare e përkohshme e Këshillit të Sigurimit në Kombet e Bashkuara me 175 vota, duke siguruar një prej arritjeve më të mëdha në diplomacinë ndërkombëtare nga ana e shtetit tonë. Për ministren e Jashtme Olta, Xhaçka, e cila votoi si përfaqësuesja më e lartë e Shqipërisë në Asamble të OKB-së, tha se kjo është një arritje e jashtëzakonshme për Shqipërinë duke u bërë pjesë e tryezës së madhe botërore për paqen dhe sigurinë .
Nga New York ku ndoqi nga afër punimet në Asamblenë e Përgjithshme e Kombeve të Bashkuara, Xhaçka tha Shqipëria ka qenë një shtyllë stabiliteti në rajon dhe një urë përmes politikës së saj konstruktive dhe me anëtarësimin në Këshillin e sigurimit në OKB tashmë një vend i vogël do të ketë një vend në tryezën e madhe botërore.
“Ka vende që janë angazhuar duke lobuar gjatë gjithë këtyre viteve për të mundësuar këtë që Shqipëria ka sot. Shqipëria duke u ulur si një vend i vogël përfaqësues i rajonit, i grupit të Europës lindore të tryezës së madhe të vendimmarrje globale të paqes dhe sigurisë. Sigurisht është një mundësi e jashtëzakonshme për Shqipërinë. Vendet e vogla janë dëshmitarë të historisë pa pasur mundësi ta influencojnë atë. Është një mundësi e jashtëzakonshme e prestigjit të politikës sonë të jashtme, për të forcuar marrëdhëniet me aleatët e partnerët tanë tashëm në rang global dhe për të vendosur marrëdhëniet të tjera. Është një mundësi e jashtëzakonshme për gjëra atë që Shqipëria e ka bërë shumë mirë në rajon duke qenë një shtyllë stabiliteti dhe një urë përmes politikës së saj konstruktive”, tha Xhaçka.
