Tre në katër britanikë të rritur kanë marrë të paktën një dozë të vaksinës antiCOVID , deklaroi qeveria britanike, duke bërë që 75.2% e personave mbi 18 vjeç në vend të kenë marrë një dozë dhe 49.5% janë vaksinuar plotësisht.
Sekretari Britanik i Shëndetësisë Matt Hancock e quajti arritjen e 75% si një hap të madh përpara, por paralajmëroi se “një fushata e keqinformimit në të gjithë botën ” kërcënoi fushatën e vaksinimit.
“Shpejtësia e keqinformimit është një kërcënim vdekjeprurës”, tha Hancock në një takim ndërkombëtar të organizuar nga Britania për të inkurajuar marrjen e vaksinave.
Hancock tha se Britania kishte forcuar besimin tek vaksinat duke përdorur “zëra të besuar” – si natyralistin David Attenborough dhe Mbretëreshën Elizabeth II, të cilët morën vaksinën live dhe dhanë mesazhe tejet inkurajuese.
Ai tha se një faktor tjetër kryesor ishte sigurimi i procesit të drejtë, duke siguruar vaksina fillimisht për të moshuarit dhe ata në më shumë rrezik, pastaj në grup moshat e tjera në një mënyrë të rregullt.
Britani është një nga vendet me shkallën më të lartë të vaksinimit në botë dhe po garon me kohën për të frenuar përhapjen e variantit delta, një nga më ngjitësit të virusit.
Variant i cili u shfaq fillimisht në Indi, por që në Mbretërinë e Bashkuar përbën shumicën e rasteve. Të Mërkurën, Britania e Madhe raportoi 4,330 infeksione të reja, një rritje kjo prej 35% gjatë shtatë ditëve të fundit. Megjithatë, numrat e viktimave ditore do të mbeten të ulëta. Të martën, Britania nuk raportoi asnjë viktimë të martën, për të parën herë që nga korriku i vitit të kaluar.
Mbretëria e Bashkuar ka regjistruar pothuajse 128,000 vdekje nga koronavirusi, numri më i lartë i viktimave në Evropë.
