Lidhjen me pasarelat, Enkeleda Kapedani, sot kryegjyqtare e Elbasanit në hetim disiplinor për shkelje të etikës, e ka pasur që në moshën 18-veçare. Report Tv siguron një foto ekskluzive që gjyqtarja ka hedhur në Tik-Tok, profil të cilin e fshiu më pas, teksa rikujton kohën kur merrte pjesë në Miss Shqipëria të vitit 2003.
“Sa herë kam ndjekur nga ekrani konkursin e bukurisë kam luftuar me veten të shkoj apo të mos shkoj dhe unë vitin tjetër. Dhe ja ku jam tani në Mss Shqipëria për të shkelur pasarelat që ngrihen mbi kalanë e Lëkursit dhe për të hedhur një hap drejt të ardhmes sime”, shkruan Kapedani në kartolinën e konkurrimit në Miss Shqipëria.
