Vera është një prej stinëve më produktive për fermerët. Tashmë që banorët e fshatrave të Korçës po shkojnë drejt kulmit të sezonit të bujqësisë, kryeministri Edi Rama ka postuar në rrjetet sociale pamjet me dron nga disa fshatra.
Këto pamje Rama i ka shoqëruar dhe me një këngë e cila titullohet “Parajsë”. Më të vërtetë këto pamje të japin një panoramë tjetër, të qëndisur mbi tokën e fushave siç shkruan Rama.
“Një pikturë e qendisur mbi tokën e fushave të Korçës, pamje mbresëlënëse mbi fshatrat Qatrom, Mollaj, Dvoran e Mollas. Shqipëria punon tokën. S’ka kohë për pushim” shkruan Rama.
