Një tragjedi ka ndodhur gjatë paradites së sotme në Itali, ku një teleferik me 15 persona, është shkëputur dhe përplasur në tokë, duke lënë të vdekur 14 persona, mes tyre edhe dy fëmijë 2 dhe 9 vjeç, ndërkohë që një tjetër është në gjendje të rëndë në spital.
Aksidenti ndodhi në qytetin turistik Stresa në brigjet e liqenit Maggiore në rajonin e Piemonte.
Teleferiku Stresa-Mottarone merr turistë dhe vendas, në liqenin Maggiore, pothuajse 1,400 metra mbi nivelin e detit, deri në majën e malit Mottarone për 20 minuta.
Sipas mediave italiane, fillimisht 2 fëmijë, 5 dhe 9 vjeç, ishin të vetmit që i mbijetuan aksidentit tragjik, por fatkeqësisht djali 9-vjeçar humbi jetën në spital.
Ende nuk janë zbardhur arsyet e ngjarjes që i mori jetën e 9 personave.
Teleferiku u rihapur sërish në dispozicion të qytetarëve më 24 prill, pas lehtësimit të masave anti-COVID në Itali.
Ndërsa në vitin 2016, një shumë prej 4 milionë e 400 mijë eurosh janë investuar për kontrollin, rregullimin dhe riparimin e teleferikëve.
