Në Hausen, Kantoni Aargau, policia ka gjetur në një banesë trupat e pajetë të dy grave. Një zëdhënëse e Policisë Kantonale ka thënë për mediet se në lidhje me këtë krim, ka arrestuar një kosovar të dyshuar, të moshës 54-vjeçare, shkruan 20minuten.ch
Kufomat e dy viktimave janë gjetur në një ndërtesë banimi familjar në Hausen, shkruan Albinfo.ch. “Dyshimet shkojnë në drejtim të një delikti që ka të bëjë me marrëdhënie familjare. Dyshohet se viktimat dhe i dyshuari janë në lidhje familjare mes tyre”, ka thënë zëdhënësja.
Policia ka deklaruar se pasditen e sotme do të dalë me informata më të detajuara lidhur me rastin.
