Një ngjarje e rëndë ka ndodhur mëngjesin e ditës së sotme në Vlorë. Një grua 80-vjeçare është hedhur nga kati i 2-të i banesës së saj.
Sipas njoftimit të policisë, shtetasja S.Z, dyshohet se në gjendje të rënduar psikologjike është vetë hedhur nga kati i dytë i ndërtesës ku ajo banonte.
80-vjeçarja ndodhet në spital nën kujdesin e mjekëve dhe deri tani nuk dihet gjendja e saj shëndetësore.
Ndërkohë, grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.
Njoftimi i plotë i Policisë:
Vlorë/Informacion paraprak
Më datë 18.05.2021, rreth orës 10:00, në fshatin Kaninë, dyshohet se në gjendje të rënduar psikologjike është vetëhedhur nga lartësia e katit të 2-të të ndërtesës ku banonte shtetasja S. Z., rreth 80 vjeçe, e cila ndodhet në spital nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.
