Zbardhen detaje të reja nga sekuestrimi i kokainës në Kosovë, që kaloi me kamion nga Porti i Durrësit. Gazetarja Dorjana Bezat raporton për “BalknaWeb” se DEA Amerikane, e cila ka sinjalizuar për ngarkesën, ka dhënë informacion se bëhet fjalë për një sasi prej mbi 2 tonë kokaine, me destinacion Lipjanin e Kosovës.
Në informacionet e DEA thuhet se kjo është sasia më e madhe e kokainës e ardhur ndonjëherë në rajon. Ngarkesa është mbajtur nën vëzhgim nga Amerika Latine në nisje, në portin e Gioja di Tauro në Itali dhe më pas në Portin e Durrësit, në Shqipëri, ku qëndroi mbi 15 ditë.
Kontenieri është vendosur mbi një kamion, i cili është tërhequr nga një kamion tjetër, duke ecur të dy njëri pas tjetrit në Kosovë.
