Këshilli i Bashkimit Evropian ka kërkuar që negociatat për Shqipërinë dhe Maqedoninë e Veriut të nisin sa më shpejt.
Ai iu ka dërguar një letër pune në datën 5 maj delegacioneve të vendeve të BE, përpara mbledhjes që ministrat e Jashtëm të BE mbajnë këtë të hënë.
Midis të tjerash, në dokument thuhet se Shqipëria dhe Maqedonia e Veriut kanë përparuar me reformat.
“Për Shqipërinë dhe Maqedoninë e Veriut, vetë procesi i pranimit në BE ka siguruar nxitje më të fortë për reformat dhe si e tillë, më shumë demokraci, stabilitet dhe prosperitet për popujt përkatës. Tani është thelbësore që negociatat e pranimit të fillojnë sa më shpejt të jetë e mundur dhe të ecim përpara, së bashku me ruajtjen e vrullit të reformave në dy vende.”
Aty po ashtu vihet në pah se në Ballkanin Perëndimor ndihet zhgënjim i thellë për procesin e zgjerimit, që sipas Këshillit të BE, u shtua edhe më shumë kur ishte diskutimi për vaksinat.
