Mësohet se data që do të nisin protestat do të jetë 27 janari. Vendimi mësohet të jetë marrë ditën e djeshme gjatë takimit mes Bashës dhe Kryemiadhit.
Opozita vendosi sot datën e protestave anti-qeverisë. Në orën 10:00 Basha ka nisur takimin me aleatët opozitarë në parlament. Në takim janë Fatmir Mediu, Nard Ndoka, Dashamir Shehi dhe Agron Duka.
Mbrëmë Basha zhvilloi një takim për rreth 90 minuta me Monika Kryemadhin, e cila ishte e shoqëruar nga Petrit Vasili, ndërsa u diskutua për strategjinë dhe datën e protestës. Pas takimit me aleaten opozitare, Basha priti dy n/ kryetarët e partisë Spahon dhe Palokën.
Sakaq LSI ka propozuar datën 15 janar.
Pas protestës së fundit në 18 dhjetor kur u zgjodh kryeprokurorja e re Arta Marku, opozita paralajmëroi se në janar do të rifillonte aksioni. PD dhe LSI kërkojnë largimin e qeverisë ‘Rama 2’ pasi akuzojnë kryeministrin se është kapur nga krimi.
