Helmimi i tre familjarëve nga Kosova qëndërruan jetë pas helmimit nga kërpudhat në Shqipëri ka bërë që në zonën rezidenciale në Gjirin e Lalëzit policia të nisë hetimet për të mësuar shkakun e plotë të vdekjes së tyre.
Gazetari Leonidha Musaj raporton për ABC se dëshmi kyç deri më tani në zbardhjen e kësaj ngjarje është ajo e rojes së sigurisë së kësaj rezidence.
Ai i ka thënë grupit hetimor se i ka parë tre familjarët duke u futur në banesë me një qese me kërpudha të cilat janë helmuese. Ai është shprehur se u ka thënë atyre të mos i konsumojnë.
Ndërkohë deri më tani janë sekuestruar kamerat e sigurisë në zonë pasi duke qenë se është zonë rezidenciale të gjitha godinat janë të monitoruara me kamera.
Djali i çiftit që ndëroi jetë deklaroi dje për mediat se është absurde të dërgohen në shtëpi vetëm me ilaçe tre pacientë me simptoma të njëjta pa kryer asnjë analizë. Ai gjithashtu theksoi se është e dyshimtë pse ka ngordhur edhe qeni i familjes, kur ai nuk ka konsumuar kërpudha pasi ka ushqimet e tij të veçanta.
