Është arrestuar në Stamboll të Turqisë një përfaqësues i lartë i ISIS, i njohur gjerësisht si ish-krahu i djathtë i drejtuesit të kalifatit Abu Bakr al-Baghdadi.
Ky i fundit u ekzekutua në tetor të 2019-ës. Sipas mediave të huaja personi i arrestuar është me origjinë afgane.
I arrestuari besohet se kishte ndihmuar al-Bagdadin të fshihej në Idlib, ndërsa në Stamboll kishte mbërritur falë një pasaporte false.
Sakaq, kujtojmë që Abu Bakr al-Baghdadi u vra në vitin 2019, në një bastisje të forcave special amerikane, me ndihmën e luftëtarëve kurdë në provincën Idlib, në Sirinë veriperëndimore.
