Mëngjesin e sotëm kanë nisur zgjedhjet parlamentare, ku 5199 qendra votimi janë hapur për 3 milionë e 588 mijë e 869 shqiptarë.Në çdo Qendër Votimi janë instaluar pajisje elektronike, të cilat do të kryejnë identifikimin elektronik të zgjedhësve.
Nga ora 7:00 deri në 19:00 kutitë e votimit do të jenë të hapura për të gjithë ata që do të duan të zgjidhin ligjvënësit e katër viteve që vijnë.
Alpenews.al ju sjell më poshtë orë pas ore incidentet dhe vijimin e votimeve në të gjitha qytetet e vendit.
****************************************************************************************************************************
Ora 19: 00/ Mbyllet zyrtarisht procesi i votimit në vendin tonë, ku u votua për zgjedhjen e parlamentit të ri. Ndonëse në disa qendra ka ende qytetarë që presin të votojnë, pritet konfirmimi nga KQZ nëse do të ketë shtyrje të orarit për këto raste.
Ora 18:58/ Në Burgun e sigurisë së lartë në qytetin e Burrelit kanë ushtruar të drejtën e votës deri në këto momente 52 nga 79 të burgosurit që vuajnë dënimin në këtë IEVP.
Ora 18:48/ Deri në orën 18:00 pjesëmarrja në votime raportohet të jetë 45.40% në rang vendi. Janë 1920 Qendra Votimi që kanë raportuar nga 5199 në total.
Ora 18:22/ Një qytetar ka thyer xhamat e një qendre votimi në shkollën ‘Hamit Mullisi’ në lagjen ‘5 Maj’ në Elbasan.
Ora 18:12/ Është ndërprerë për pak minuta energjia elektrike në qytetin e Pogradecit, por megjithatë kjo nuk ka sjellë pengesë në vijimin e procesit të votimit.Sipas kryetarit të KZAZ Pogradec në lidhje me këtë defekt u lajmërua KZAZ-të paraprakisht, ndërsa puna vijoi normalisht me aparaturat të cilat janë të pajisura me bateri.
Ora 17:58/ Deri në orën 17:00 pjesëmarrja në votime raportohet të jetë 43.69% në rang vendi. Janë 1878 Qendra Votimi që kanë raportuar nga 5199 në total.
Ora 17:51/ Një qendër votimi në një fshat Kavajë është mbyllur rreth 3 orë përpara orarit zyrtar, pasi nuk ka votues.Komisioneri u shpreh për mediat, se nuk ka njerëz të tjerë për të votuar dhe se po rrinte kot prej 5 orësh. Edhe pse ligji e detyron të qendrojë në detyrë deri në 19:00, ai vendosi ta mbyllte qendrën e votimit.
Ora 17: 40/ Përfundon procesi i votimit edhe në burgun e Drenovës në Korçë. Në total nga 465 të dënuar, kanë votuar 110 të dënuar, ndërkohë që 183 të tjerë nuk kanë mundur dot. Kjo pasi i ka kapur ligji i dekriminalizimit
Ora 17:33/ Ka përfunduar procesi i votimit në Burgun e Fierit. 186 të dënuar dhe të paraburgosur kanë votuar sot në mjediset e burgut, nga 256 të burgosur me të drejtë vote.
Ora 16:44/Zëdhënësja e Komisionit Qendror të Zgjedhjeve, Drilona Hoxha ka dhënë detaje mbi situatën e procesit zgjedhor, ndërsa shprehet se deri më tani procesi i votimit, përveç disa incidenteve të vogla, ka vijuar normalisht.Ajo ka bërë me dije se deri në orën 16:00, në rang kombëtar, në bazë të rezultateve të publikuara nga disa nga qendrat e votimit, numri i pjesëmarrësve ka shkuar në 38.04 %.
Ora 16:32/ Detaje nga sherri në Maliq
Çifti Avdolli ka treguar për mediat se pse ndodhi sherri në Maliq, ku u goditën me karrige nga vëzhguesi i PD.Të gjakosur në fytyrë dhe kokë, ata tregojnë se u futën me nënën e tyre të sëmurë për të votuar.Sipas tyre, nëna është shtyrë nga dy djemtë e kryeplakut të fshatit Vishme në Maliq dhe këtu ka nisi sherri.
Ora 16:15/ Policia shpall në kërkim qytetarin me iniciale Sh. T, 54-vjeç i cili pas procesit të votimit, fotografoi votën në qytetin e Vlorës.
Ora 15:55 / Vëzhguesi i Partisë Demokratike, Gledis Adri ka goditur një çift bashkëshortësh simptizantë të PS-së në Vashtmi, në qytetin e Korçës.Çifti Avdolli janë dërguar në Spitalin e Korçës, pasi kanë marrë dëmtime në kokë, por janë jashtë rrezikut. Ndërkohë që po marrin ndihmën mjekësore.
Ora 15:44/ Komisioni Qendror i Zgjedhjeve ka raportuar se deri në orën 14:00 kanë votuar 35. 63 përqind e personave sipas të dhënave që janë marrë nga qendrat e votimit.
Pjesëmarrja deri në orën 14:00 për qarqet e vendit vijon si më poshtë:
Berat 33.35 % – Dibër 41.13 % -Durrës 32.91 %- Elbasan 37.12 %-Fier 34.48 % -Gjirokastër 34.03 % -Korçe 33.49 % -Kukës 37.72 % -Lezhe 33.95 % -Shkodër 30.63 % -Tiranë 39.77 % -Vlorë 25.86 %
Ora 15: 05/ Procesi i votimit është bllokuar në 3 qendra votimi në njësinë administrative Lekbibaj në Tropojë.Shkak është bërë përplasja fizike mes komisionerëve dhe anëtarëve të qendrave të votimit.
Ora 14:56/ Një person është vënë në pranga në Shkodër, pasi ka tentuar që të fotografojë fletën e votimit. Mësohet se policia ka marrë një njoftim nga Komisioni i Qendrës së Votimit, se në shkollën “Neki Lezha”, në lagjen “Salo Halili”.
Ora 14:45/ Kreu i KQZ, Ilirjan Celibashi, tha sot se problemet e hasura në disa qendra votimi nuk përbëjnë rrezik për procesin e zgjedhjeve.Ai shtoi se në 144 Qendra Votimi, identifikimi po bëhet manualisht dhe ka disa rastet sporadika ku është pezulluar votimi.Celibashi dha edhe një lajm gjatë konferendës për mediat. Ai u shpreh se aplikacioni i KQZ është sulmuar.
“Aplikacioni i KQZ ëhtë sulmuar. Po punohet për ta zgjidhur problemin e shkaktuar. Disa qendra votimi nuk raportojnë rregullisht” – tha kreu i KQZ.
Ora 14:50 Një tjetër person është kapur sërish duke fotografuar votën në Vlorë. Ngjarja ka ndodhur pranë shkollës Industriale në Vlorë, ku komisionerët e kanë mbajtur në procesverbal.
Ora 13:50/ Nga të dhënat e gjeneruara nga Komisioni Qendror i Zgjedhjeve 31. 87% e shqiptarëve kanë votuar deri në orën 13:00.Ndërkohë që nderi në mesditë kishin votuar 27.5%.
ORA 13:12/ Komisioni Qendror i Zgjedhjeve informoi se pjesëmarrja në votime deri në orën 12:00 llogaritet 27.18%. Sipas KQZ-së, për këtë rezultat kanë raportuar 47 qendra votimi nga 5199 gjithsej në të gjithë vendin.
Ora 12:58/ Në fshatrat Kolësh dhe Morinë verifikimi i votuesve është duke u bërë në mënyrë manuale, pasi pajisjet e verifikimit elektronik nuk janë duke punuar.
Ora 12:53/ Kryetarja e Lëvizjes Socialiste për Integrim në Durrës, Kontiana Kuçi ka shkaktuar tension në lagjen numër 5. Kuçi ka hyrë në ambientet e qendrës së votimit, e shoqeruar me truproja dhe i ka ushtruar presion komisionerëve dhe votuesve të kësaj lagjeje në Durrës.
Ora 12: 24/ Një tjetër incident është shënuar në qendrën e votimit në fshatin Vashtmi. Mësohet se një votues ka dashur të votojë familjarisht, por është penguar nga vëzhguesi i PD-së çka ka sjellë edhe tensionim të situatës.
Ora 12: 22/ Komisioni Qendror i Zgjedhjeve në faqen zyrtare do të publikojë të dhënat për pjesëmarrjen e votimeve gjatë ditës së sotme.Sipas KQZ, pjesëmarrja e votuesve në zgjedhje deri në orën 11:00, është 20,12%.Deri tani Tirana është qarku me pjesëmarrjen më të lartë të qytetarëve në votime.
Ora 12:21/ Në Libonik ka rreth 1 orë që është pezulluar votimi, me urdhër nga KQZ. Sipas burimeve bëhet me dije që ka pasur debate midis komisionerëve të PS dhe PD.
Ora 12:00/ 20 qytetarë janë proceduar penalisht për një incident që ndodhi mbrëmjen e djeshme rreth orës 22:35në Divjakë. Policia thotë se mori një telefonatë për ndihmë nga një qytetare e cila ishte shprehur se përreth banesës së saj ka grumbullim personash dhe automjetesh.
Ora 11:49/ Kandidati i Lëvizjes Socialiste për Integrim Shemsi Prençi ka shkaktuar tension në shkollën 9-vjeçare “Njazi Mastori” në Durrës ku po votohet për zgjedhjet elektorale.Ai është shfaqur i shoqëruar nga truproja personal duke i bërë pritë qytetarëve
Ora 11:45/ Policia e Shkodrës ka shoqëruar një person, i cili ka fotografuar votën e tij. Bëhet e ditur se ngjarja ka ndodhur në qendrën e votimit në lagjen “Tophane”.
Ora 11:38/ Një 30 vjeçar në Tiranë është shoqëruar në komisariat pasi votoi PD-në më pas LSI-në e fotografoi 2 herë fletën.
Ora 11:29/ Liri Dema pjesë e LSI-së është kapur në shkelje flagrante të Kodit Zgjedhor në qytetin e Vlorës, gjithashtu edhe kandidati i PD-Së, Bujar Leskaj
Ora 11:22/Një incidentka ndodhur në gjimnazin “ Andon Zako Çajupi” në Tiranë. Raportohet se një qytetar, i identifikuar si Granit Sulko është kapur nga komisionerët duke fotografuar votën.
Ora 11:17/ Në vetëm 142 qendra votimi nga 5199 gjithsej në të gjithë vendin ka probleme me procesin e identifikimit elektronik dhe procesi po bëhet manualisht.
“Kemi pasur disa probleme të karakterit teknik. Kjo është një pajisje që përdoret për herë të parë në Shqipëri. Por parë në tërësinë e vet. Procesi i identifikimit elektronik duhet të vazhdojë edhe nëse printeri i pajisjes nuk funksionon, tha Celibashi.
Ora 10:42/ Në Libonik të Korçës ka rreth 1 ore që është pezulluar votimi, me urdhër nga KQZ, pasi komisionerët e PD marrin vulat dhe ia mbathin nga Qendra e Votimit.
Ora 10:30/ Probleme me paisjen e identifikimit elektronik, ndërpritet procesi i votimit për 1 orë në Ersekë
Ora 10:09/ Dy persona janë kapur me celularë në duar për të fotografuar votën, duke bërë që të pezullohet procesi i votimit për pak minuta në 2 qendra votimi. 1 në Gjirokastër dhe 1 Vlorë.
Ora 08:40/ Në orën e parë të procesit të votimit në të gjithë vendin në 711 qendra votimit që kanë dërguar të dhënat në KQZ kanë votuar 2.88% e shqiptarëve
