Një ngjarje e rëndë ka ndodhur pak ditë më parë në një familje shqiptare që jeton në Greqi.
Një 46 vjeçare ka vënë në lëvizje policinë e Elbasanit pas një denoncimi të bërë për të vëllain e saj, por edhe dy shtetas të tjerë.
Ajo ka deklaruar se vëllai i saj bashkë me persona të tjerë i kanë dhunuar dhe plagosur me mjete të forta bashkëshortin.
Njoftimi i policisë
Më datë 05.01.2018, u referuan materialet në Prokurorinë e Rrethit Gjyqësor Elbasan dhe punohet për kapjen e shtetasve P.L, P.I dhe N.I, vjeç 50, 39 e 56, banues në fshatin Gostimë Cërrik, emigrantë në Greqi, pasi motra e P.L, shtetasja A.K, vjeç 46, banuese në Elbasan, ka bërë kallëzim se, më datë 04.01.2018, në Kallamtë, Greqi, në bashkëpunim me njëri tjetrin, i kanë keqtrajtuar e plagosur me mjete të forta, bashkëshortin V.K, vjeç 47, i cili ndodhet në spitalin e Kllamatës, Greqi. Nenet 88, 130/a e 25 të Kodit Penal.
