Policia italiane ka vënë në pranga një 27-vjeçar shqiptar, pasi u kap me një sasie të madhe kokaine dhe mijëra euro. Shqiptari u arrestua nga agjentët e policisë së Milanos.
Ai u pikas duke hipur në një makinë, por sapo pa policët, u largua në këmbë. Policia iu vu pas dhe i bëri një kontroll, ku i zbuloi se kishte rreth 20 mijë euro.
I riu i papunë nuk justifikoi dot burimin e parave, edhe pse tha se po blinte një makinë, raportojnë mediat italiane.
Më pas policia ushtroi një kontroll në banesën e 27 vjeçarit, ku sekuestroi 30 kg kokainë, me vlerë 2 mln euro.
Agjentët gjetën edhe 280 mijë euro të tjera të fshehura në banesë.
