Dasma e Princit Harry dhe Meghan- it u paracaktua që vitin e shkuar se do të bëhej më 18 maj.
Që tani kanë nisur hamendësimet se kush do të jetë shoqëruesja e nuses, ç’fustan do të mbajë ajo veshur apo kush mund të jetë një model i mundshëm flokësh.
Ceremonia pritet të jetë e kuruar në detaje , kjo edhe për shkak të njerëzve që presin me kërshëri dhe syve të së cilëve zor se do t’u shpëtojë gjë.
Martesa e çiftit po merr përmasa kaq gjigande sa vetë kryeministrja britanike, Theresa May lajmëroi se përgjatë datave 18- 19 maj baret, brenda një zone të caktuar do të mund të ofrojnë alkool deri në orën 1 pas mesnate.
Kjo ndërhyrje e saj erdhi me qëllim që mbarë populli i thjeshtë të festojë martesën e princit.
Është hera e katërt që autoritetet ndërhyjnë dhe bëjnë përjashtime në të tilla raste.
Kjo ndodhi për herë të parë në 2014- n për “World Cup”, në 2011-n për martesën e princit William dhe Kate Middleton- it dhe në 2016- n, në 90 vjetorin e mbretëreshës.
