Një ngjarje e rëndë ka ndodhur 3 ditë më parë në Itali, ku 2 të rinj humbën jetën tragjikisht në një aksident automobilistik, njeri prej të cilëve ishte 34-vjeçari, Eder Shqalqi me origjinë shqiptare.
Eder Shqalqi dhe miku i tij italian, Erik Galuzzon, po udhëtonin me furgonin e tyre, kur u përplasën fatalisht me një kamion, duke humbur të dy jetën.
Dy të rinjtë jetonin në komunën Talmassons të Italisë, dhe punonin në një kompani transportesh.
Pavarësisht se në vendin e ngjarjes mbërritën menjëherë zjarrfikëse dhe mjekë, nuk mund të bënin asgjë për t’i shpëtuar.
