Ka shkuar në 100 mijë numri i personave që kanë marrë dozën e parë të vaksinës ndaj COVID në vend, ndërsa kryeministri Edi Rama thotë me bindje se brenda majit do të kemi të paktën gjysmë milioni të vaksinuar.
“Sot arritëm 100 mijë vaksinime në total. Brenda majit do të kemi arritur të paktën GJYSËM MILIONË të vaksinuar”, shkruan Rama.
Në ditën e tretë të vaksinimit masiv, morën dozën e tyre 21,536 persona, ndërsa që prej fillimit të fushatës së vaksinimit antiCOVID, janë kryer në total 119,321 vaksinime (doza të para dhe të dyta).
