Ka ndërruar jetë ditën e sotme nga Covid-19 Haxhi-Shejh Sokol Ademi, 52 vjeç. Mësohet se ai ishte i shtruar prej disa ditësh në Spitalin Rajonal të Shkodrës, por fatkeqësisht nuk ka mundur që t’ia dalë dot.
Ademi ka qenë i besimit bektashi në qytetin e Shkodrës dhe ka pasur një reputacion në këtë zonë dhe ka ndihmuar në inagurimin e Teqesë së re në mars të këtij viti.
Sakaq, bëhet me dije se Ademi ishte xhaxhai i këngëtarit të ri të muzikës klasike, Ilsi Ademi.
Ky i fundit i ka kushtuar edhe një dedikim tepër prekës përmes rrjeteve sociale.
“Kurrë nuk kam besuar që po shkruaj fjalën lamtumirë për ty Axha Sokol. Qofsh i xhenetit shpirti jem, edhe më fal që nuk erdha me të pa”, ka shkruar këngëtari në Instagram.
