Kanë mbetur edhe pak ditë nga fillimi zyrtarisht i fushatës elektorale, por kandidatët për deputetë kanë filluar të kërkojn mbështetjen e qytetarëve.
Anduena Qefalia, candidate për deputete e Partisë Demokratike në Tiranë, ka bërë një thirrje të pazakontë për mbështetësit e saj, pasi ka kërkuar që ata ta mbështesin financiarisht.
Me anë të një postimi në rrjetet sociale, kandidatja e renditur e 29-a në Tiranë ka publikuar numrin e saj të llogarisë bankare dhe ka kërkuar mbështetje, në mënyrë që të mundësojë rrugëtimin e saj në parlament.
Postimi i plotë:
I/e dashur mik/e!
Unë jam duke garuar në zgjedhjet e ardhshme për Kuvendin e Shqipërisë. Për herë të parë, një grua myslimane praktikante do të ulet në karrigen e ligjvënësit, në institucionin më të lartë të vendit.
Që zëri ynë të dëgjohet nga çdokush që do të donte të përfaqësohej nëpërmjet kandidaturës time, është e rëndësishme të bashkojmë energjitë dhe kapacitetet tona.
Prandaj më nevojitet ndihma juaj për ta përmbushur me sukses këtë mision!
Për të më mundësuar këtë rrugëtim, për
të ngritur/forcuar zërin tonë në parlament në dobi të komunitetit tonë, mirëpres mbështetjen tuaj në llogarinë bankare më poshtë:
Banka: Credins Bank
Mbajtësi i Llogarisë: Anduena Qemal Qefalia
Nr. i Llogarisë: 00001500343
IBAN: AL25 2121 1401 0000 0000 0150 0343
SËIFT: CDISALTRXXX
Me mirënjohje të thellë,
Anduena Qefalia.
