Kryeministri Edi Rama ishte si pranishëm ditën e sotme në Shkodër, në shkollën “Edith Durham”, ku u bën vaksinimi i stafit pedagogjik.
Rama u shoqërua nga ministrja e Shëndetësisë Ogerta Manastirliu dhe shefja e Departamentit të Epidemiologjisë pranë ISHP-së, Silva Bino. Në një moment Rama qetësoi mësuesit duke thënë se nuk do të kishin asnjë efekt anësor pas marrjes së vaksinës.
“Mos keni asnjë shqetësim, edhe ato vendet që e pezulluan me shumë gjasë do të rifillojnë prap se nuk është ajo seri, është një seri tjetër. Nuk kanë gjetur asnjë lloj lidhje mes vaksinës dhe atyre rasteve që kanë pas”, u shpreh Rama.
Më tej ai shtoi se trombozat nuk kanë ardhur nga vaksinat, por sipas tij nga përdorimi në masë i kontraceptivëve.
Pjesë nga biseda:
Edi Rama: Duhet me u rujt në fazën e parë sa të krijohen antitrupat.
Edi Rama: Kanë dalë të dhëna edhe për hapat e parandalimit të rritjes së popullsisë.
Silva Bino: Ah, për kontraceptivët.
Edi Rama: Po pra, po
Silva Bino: Kontraceptivët dihet që shkaktojnë…
Edi Rama: Ka raste të jashtëzakonshme që janë…
Silva Bino: Të rralla
Edi Rama: Por që nuk janë fare pjesë e problemit
