Deputetja që në 25 prill do të garojë në listat e Nismës Thurje, Rudina Hajdari ka bërë një deklaratë të fortë duke thënë se burra në politikë i kanë përmendur babain dhe e kanë ofenduar.
Rudina ka treguar se dikush i ka thënë se ka shkelur mbi gjakun e babait përderisa ka pranuar që të qendrojë në parlament, dhe ajo nuk ka mundur të bëjë gjë, por nëse do të ishte një burrë në vend të saj, atëherë gjërat do të ishin ndryshe.
Hajdari: Ka pasur raste, mua më kanë thnë, burra në politikë, s’ka rëndësi kush, që kam shkelur mbi gjakun e babait pse kam pranuar të qendroj në parlament. Jam femër, por të ishte në vendin tim një mashkull do ja kishte futur me shkelm syve atij. Këtu jetojmë në një shoqëri maskiliste. Mua më ka përzënë kryetari i partisë vetëm pse pranova të qendroja aty.
Sot në emisionin “Open” është duke u diskutuar tema “Gratë dhe pushteti”, ku në panel të gjitha janë gra duke diskutuar për rolin e tyre jo vetëm në politikë. Ato janë të një mendje se gratë duhet të luftojnë më shumë për të arritur diçka në këtë shoqëri maskiliste që jetojmë.
