Ditën e sotme militantët e Partisë Demokratike provokuan një sherr në qytetin e Elbasanit duke u prishur qytetarëve festën e Ditës së Verës.
Pas kaosit të krijuar LSI ka gjetur fajtorin e ngjarjes së ndodhur. Udhëheqësi politik i Partisë Demokratike në Qarkun e Elbasanit ka publikuar një video në llogarinë e tij në ‘Facebook’ ku akuzon se shkaktari i kësaj përleshje është edhe Pjerin Xhuvani i cili shihet në foton e mëposhtëme nxjerrë nga video-ja e publikuar nga Gazmend Bardhi i PD.
Pjerin Xhuvani ka qenë ish kryetar i Lëvizjes Socialiste për Integrim në qytetin e Elbasanit në kohën që Ilir Meta drejtonte këtë subjekt politik.
Kështu, për sherrin që ndodhi sot Partia Demokratike kërkon ta heqë nga vetja skandalin e ndodhur duke ia faturuar përgjegjësinë LSI-së për ngjarjen e turpshme. (Lexo.al)
