Një 30-vjeçare ka ndërruar jetë në rrugën ”Don Bosko” në Tiranë pasi u vetëhodh nga kati i 3-të i pallatit.
Ngjarja ka ndodhur ditën e sotme rreth orës 15:55 dhe mësohet se 30-vjeçarja është hedhur nga banesa ku jetonte.
Ndërkohë Policia ndodhet në vendin e ngjarjes për të hetuar mbi shkaqet që kanë çuar në këtë akt të rëndë.
NJOFTIMI NGA POLICIA
Tiranë/Informacion paraprak
Më datë 07.03.2021, rreth orës 15:55, në rrugën “Don Bosko” dyshohet se është vetëhedhur nga lartësia e katit të 3-të të pallatit ku banonte shtetasja S. K., rreth 30 vjeçe, ku për pasojë ka ndërruar jetë.
Grupi hetimor vijon punën për zbardhjen e plotë e rrethanave të ngjarjes, ku paraprakisht dyshohet se vuante nga probleme të shendetit mendor.
